शुक्रबार, १६ आश्विन २०८३
काठमाडौं। विश्वकप लिग–२ अन्तर्गत आगामी ओमान भ्रमणका लागि नेपाल क्रिकेट संघ (क्यान) ले नेपाली राष्ट्रिय क्रिकेट टोली घोषणा गरेको छ। १५ सदस्यीय टोलीमा सन्दीप लामिछानेसहित अनुभवी तथा युवा खेलाडीलाई समेटिएको छ।
यसपटकको टोलीमा कुशल भुर्तेल र सोमपाल कामीले स्थान बनाउन सकेनन्। यस्तै, पछिल्लो समय नेपाली टोलीमा रहेका तीव्र गतिका बलर हेमन्त धामी पनि टोलीबाट बाहिरिएका छन्।
क्यानले सार्वजनिक गरेको टोलीमा देब्रे हाते स्पिनर शाहाब आलमलाई समावेश गरेको छ। शाहाबको समावेशसँगै टोलीको स्पिन विभागमा थप विकल्प देखिएको छ।
ओमान भ्रमणका लागि घोषित नेपाली टोलीमा सन्दीप लामिछाने, आसिफ शेख, दीपेन्द्रसिंह ऐरी, देव खनाल, इशान पाण्डे, रोहित पौडेल, सन्दीप जोरा, गुलशन झा, बासिर अहमद, करण केसी, नन्दन यादव, ललित राजवंशी, शाहाब आलम र शेर मल्ल रहेका छन्।
विश्वकप लिग–२ अन्तर्गत हुने खेलहरू नेपालका लागि तालिकामा महत्त्वपूर्ण रहनेछन्। ओमान भ्रमणका क्रममा नेपाली टोलीले आफ्नो प्रदर्शन सुधार गर्दै लिग–२ को अंकतालिकामा महत्त्वपूर्ण अंक जोड्ने लक्ष्य राख्नेछ।
